Yüzüñ şems-i duhâ rûz-ı visâlüñ ‘Îd-i Edhâdur


Esa
29.06.2016
 
 
Yüzüñ şems-i duhâ rûz-ı visâlüñ ‘Îd-i Edhâdur
Cemâlüñden müzeyyen her taraf ‘âlem temâşâdur
 
Haremden na’ re-i Lebbeyke Lebbeyk irdi eflâke
Ser-i kûyuñda gûyâ nâle-i ‘uşşâk-ı şeydâdur
 
Göñül hâk-i harîm-i âsitânuñ ârzû eyler
Derûn-ı dilde niyyet âb-ı Zemzemden musaffâdur
 
Cenâb-ı Hazrete yüz tut kim oldur kıble-i ‘ârif
Sücûduñdan garaz zîrâ rızâ-yı Rabb-i a’lâdur
 
İrişsün Ka’be-i kûy-ı rızâña tek dil-i Bâkî
Harîm-i hürmetüñ kurbında kurbân ile irzâdur
 
Murâduñ Hân Murâduñ himmetinden kıl recâ ey dil
Kim ol sultân-ı sûret pâdişâh-ı mülk-i ma’nâdur
 
Bu içeriğe henüz katkı yapılmamış

Sitedeki yazıların tüm hakları ve sorumluluğu yazı sahiplerine aittir. Yazıların izin alınmadan kopyalanması ve kullanılması 5846 sayılı Fikir ve Sanat Eserleri Yasasına göre suçtur. Aksi davranışlara karşın yasal işlemlere başvurulacaktır.


Henüz yorum yapılmamış