Sînemüñ her cânibi kim pür-cüdâlık dâgıdur


Esa
15.6.2017
GAZEL
 
 Sînemüñ her cânibi kim pür-cüdâlık dâgıdur
 Lale-i derd ile zeyn olmış mahabbet dagıdur
 
 Mest ü rüsvây oldugum ayb itme sûfî kim yine
 Tâze gül devrânı zâr u mübtelâlık çagıdur
 
 Cân halâs itmek olur mı ışk meydânında kim
 Âteş-i âhum yalıñ yarıklu dilsüz yagıdur
 
 Göz bıñarında akup yaşum dükenmezse n’ola
 Kimse kandan geldügin bilmez belâ ırmagıdur
 
 Kaddüñ üzre ârızuñ ey hûr-ı gül-ruh fi’l-mesel
 Sidre üstinde açılmış tâze cennet bâgıdur
 
 Kimse rahm itmez ölürsem ben garîb üftâdeye
 Aglayup yanan hemîn eşkümle bagrum yagıdur
 
 Dîde mülkinde Mu’îdî kondı sultân-ı hevâ
 
 Her habâb-ı eşküm anuñ bir kızıl otagıdur
 
(Köksal 2012, s.620)

Sitedeki yazıların tüm hakları ve sorumluluğu yazı sahiplerine aittir. Yazıların izin alınmadan kopyalanması ve kullanılması 5846 sayılı Fikir ve Sanat Eserleri Yasasına göre suçtur. Aksi davranışlara karşın yasal işlemlere başvurulacaktır.


Henüz yorum yapılmamış