Ey cemāl·i ferruẖ·i ferẖunde-ẕāt


Esa
7.7.2016
Ey cemāl·i ferruẖ·i ferẖunde-ẕāt
Bir güzelsin ʿömr gibi bī-s̲ebāt
 
Pādişāhum boynı baġlu ḳuluñam
Dile öldür dile ṣaḳla dile ṣat
 
Şöhret āfetdür gözet şaṭrenci kim
Şehden ayruġa gelür mi şāh-māt
 
Būseñ ölünce baña dirlik yeter
ʿÖmre sürer dōstum Āb·ı Ḥayāt
 
Bir havāyī aḳ gögercindür uçar
Nāme dil-berden yaña büküb ḳanat
 
Şehleri māt itmek içün zülf·i dōst
Ruẖların açmaza ḳodı iki ḳat
 
Bir iş it kim añılasın dünyede
Ey Necātī fāʿilātün fāʿilāt
 
 Ali Nihad Tarlan i, Necāti Beg Divanı, Istanbul: Milli Eğitim Basımevi, 1963); 
 

Sitedeki yazıların tüm hakları ve sorumluluğu yazı sahiplerine aittir. Yazıların izin alınmadan kopyalanması ve kullanılması 5846 sayılı Fikir ve Sanat Eserleri Yasasına göre suçtur. Aksi davranışlara karşın yasal işlemlere başvurulacaktır.


2 Yorum