Aşkuñla göñülde heves-i câm-ı Cem olmaz


Esa
12.09.2017
100
 - - . / . - - . / . - - . / . - -
 
1.‘Aşkuñla göñülde heves-i câm-ı Cem olmaz
 Deryâ-zedede dagdaga-ı ‘ayş u dem olmaz
2.Gelmez gözüme peyk-i hayâlüñ gibi çâlâk
 Deryâlara düşse ser-i dâmânı nem olmaz
3.Dünyâ elemi bir yire gelse hazer itmez
 Dil-teng-i gam-ı ‘aşkuñ çokluk elem olmaz
4.Bir va‘d ile şâd eyle muhal ise de vuslat
 Hîç bendeñe anuñ gibi lutf u kerem olmaz
5.Gam çekmem eger yoklamasa hâtır-ı zârı
 Dîvâne-i bî-kaydda zîrâ ki gam olmaz
6.Sahrâ ile kühsâre varup eyleme feryâd
 Kânûn-ı mehabbetde dilâ zîr ü bem olmaz
7.Dervîş ola mı hırha-ı dâmân ile âdem
 Biñ kere didüm ben saña olmaz didüm olmaz
8.Dermân ide mi derd-i dile yâr ‘Atâyî
 Söylesem eger müşkil olur tınmasam olmaz
 
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994
 
 
 
Bu içeriğe henüz katkı yapılmamış

Sitedeki yazıların tüm hakları ve sorumluluğu yazı sahiplerine aittir. Yazıların izin alınmadan kopyalanması ve kullanılması 5846 sayılı Fikir ve Sanat Eserleri Yasasına göre suçtur. Aksi davranışlara karşın yasal işlemlere başvurulacaktır.


Henüz yorum yapılmamış