Bîmâr gözlerüñden irişdi câna âfet


Esa
12.09.2017
- - . / - . - - / - - . / - . - -
 
1.Bîmâr gözlerüñden irişdi câna âfet
 Şimden geru efendi sen sag u ben selâmet
2.Mânend-i âb u âteş bî-sabr u bî-sükûnem
 Cismümde âb-ı hasret göñlümde nâr-ı firkat
3.Devr-i felek beni bir meh-pâreden ayırdı
 Kaddüm hilâle döndi düşdi dile harâret
4.Dil-ber vedâ‘ iderken nola helâlleşirse
 Zîrâ bilür komaz sag ben zârı derd ü hasret
5.Necm-i sirişk-i demdür olsa ‘Atâyi zâhir
 Gitdi tolandı gözden ol âfitâb-ı tal‘at
 
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994
 
 
Bu içeriğe henüz katkı yapılmamış

Sitedeki yazıların tüm hakları ve sorumluluğu yazı sahiplerine aittir. Yazıların izin alınmadan kopyalanması ve kullanılması 5846 sayılı Fikir ve Sanat Eserleri Yasasına göre suçtur. Aksi davranışlara karşın yasal işlemlere başvurulacaktır.


Henüz yorum yapılmamış