Cûylar toñdı geçüp mevsim-i seyr-i sahrâ


Esa
12.09.2017
8.
 . . - - / . . - - / . . - - / . . –
1.Cûylar toñdı geçüp mevsim-i seyr-i sahrâ
 Yürimezse ne ‘aceb zevrak-ı câm-ı sahbâ
2.Ferş-i mînâya dönüp âb-ı zülâl-i gülşen
 Az kaldı ki toña memlaha gibi deryâ
3.Sâgar-ı bâde şikest olacagı bellü idi
 Bezm-i meyde anı çatlatmış idi bâd-ı şitâ
4.Ayagın cûy soguklandurup oldı meflûc
 Basdurup örter anı gerçi ki berf ile hevâ
5.Tâb-ı mihr idemedi bezme ‘Atâyî te’sîr
 ‘Acabâ toñdı mı bu şiddet ile nûr u ziyâ
 
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994
Bu içeriğe henüz katkı yapılmamış

Sitedeki yazıların tüm hakları ve sorumluluğu yazı sahiplerine aittir. Yazıların izin alınmadan kopyalanması ve kullanılması 5846 sayılı Fikir ve Sanat Eserleri Yasasına göre suçtur. Aksi davranışlara karşın yasal işlemlere başvurulacaktır.


Henüz yorum yapılmamış