Çokdan eylerdüm safâ-yı bezm-i sahbâdan ferâg


Esa
12.09.2017
 
119.
- . - - / - . - - / - . - - / - . –
 
1.Çokdan eylerdüm safâ-yı bezm-i sahbâdan ferâg
 Mümkin olsa sohbet-i mahbûb-ı zîbâdan ferâg
2.Mansıb-ı ‘âlî hevâsından geçirdüm göñlümi
 Hâtıra gelmez velî ol kadd-i bâlâdan ferâg
3.Agzı altun deger hokka ki ol Yûsuf-cemâl
 Eylesem ‘aşkıyla anuñ nola dünyâdan ferâg
4.Dâm-ı zülf-i yâre düşdi şimdi kendin alamaz
 ‘Ömri oldukca göñül itmez bu sevdâdan ferâg
5.‘Aşk-ı dil-berden ‘Atâyî vaz gelmez göñlümüz
 Bülbül-i şeydâ ider mi verd-i ra‘nâdan ferâg
 
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994
 
 
Bu içeriğe henüz katkı yapılmamış

Sitedeki yazıların tüm hakları ve sorumluluğu yazı sahiplerine aittir. Yazıların izin alınmadan kopyalanması ve kullanılması 5846 sayılı Fikir ve Sanat Eserleri Yasasına göre suçtur. Aksi davranışlara karşın yasal işlemlere başvurulacaktır.


Henüz yorum yapılmamış