Def‘-i gam eyler şu kim rıtl-ı girânı kaldurur


Esa
12.09.2017
 
46.
- . - - / - . - - / - . - - / - . –
 
1.Def‘-i gam eyler şu kim rıtl-ı girânı kaldurur
 Destine meş‘al alup bir kâr-bânı kaldurur
2.Berg-i sebzin kaldurup gül-goncasın açsa sabâ
 Gûyiyâ ser-pûş-ı câm-ı erguvânı kaldurur
3.Bir mu‘allem tevsene beñzer ki yirden tîg ala
 Berg-i bîdi her kaçan bâd-ı hazânî kaldurur
4.Pâye-i rif‘at umarken pây-mâl eyler felek
 Cevri der gerdûne senden nerdbânı kaldurur
5.Kehrübâ gibi tenin zerd eyleyen erbâb-ı gam
 Kendüye cezb eyleyüp ol mû-miyânı kaldurur
6.Bezme geldügine ol tıfluñ tahammül eylemez
 Hâce-i tıflı görüñ bir gün tabanı kaldurur
7.Ey ‘Atâyî pür ider gerdûn simât-ı sifleyi
 Ehl-i dil-hâneñdeki bir parça nânı kaldurur
 
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994
 
 
Bu içeriğe henüz katkı yapılmamış

Sitedeki yazıların tüm hakları ve sorumluluğu yazı sahiplerine aittir. Yazıların izin alınmadan kopyalanması ve kullanılması 5846 sayılı Fikir ve Sanat Eserleri Yasasına göre suçtur. Aksi davranışlara karşın yasal işlemlere başvurulacaktır.


Henüz yorum yapılmamış