Dil-dâre göñül dilde mekân eyleyemez mi


Esa
12.09.2017
 
 
253.
 - - . / . - - . / . - - . / . - -
 
1.Dil-dâre göñül dilde mekân eyleyemez mi
 Cânâneyi cân içre nihân eyleyemez mi
2.‘Uşşâka ne hâ’il olur ey husrev-i hûbân
 Bir âh ile biñ kûhı revân eyleyemez mi
3.Tutmış mıdur esrâr-ı gülû-gîr-i muhabbet
 ‘Âşık ser-i kûyında figân eyleyemez mi
4.Bî-tâkat iderse ne kadar hüsn-i dil-ârâ
 Pîrân-ı gamı ‘aşkı civân eyleyemez mi
5.Sad-merhale dûr olsa ‘Atâyî der-i dil-dâr
 Dil himmet ile tayy-ı mekân eyleyemez mi
 
 
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994
 
 
 
Bu içeriğe henüz katkı yapılmamış

Sitedeki yazıların tüm hakları ve sorumluluğu yazı sahiplerine aittir. Yazıların izin alınmadan kopyalanması ve kullanılması 5846 sayılı Fikir ve Sanat Eserleri Yasasına göre suçtur. Aksi davranışlara karşın yasal işlemlere başvurulacaktır.


Henüz yorum yapılmamış