Gonca-ı dil açılur gerçi ki nev-rûz olıcak


Esa
12.09.2017
 
121.
. . - - / . . - - / . . - - / . . –
 
1.Gonca-ı dil açılur gerçi ki nev-rûz olıcak
 Aña hâcet mi kalur tâli‘i fîrâz olıcak
2.Zulmet-i ebr-i siyeh mânî olur mı seyre
 Bâgda her gül-i ter meş‘ale-efrûz olıcak
3.Birbirin diñlemeyen tıfl-ı debistâna döner
 Subh-dem gulgule-i murg-ı nev-âmûz olıcak
4.Diñelüp tursa nola karşuña cism-i sad-çâk
 Ey kaşı yâ hedef-i nâvek-i dil-dûz olıcak
5.Tâbiş-i ‘aşk ile seyr eyle ‘Atâyî gazelin
 Böyle olsa kişinüñ sözleri pür-sûz olıcak
 
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994
 
Bu içeriğe henüz katkı yapılmamış

Sitedeki yazıların tüm hakları ve sorumluluğu yazı sahiplerine aittir. Yazıların izin alınmadan kopyalanması ve kullanılması 5846 sayılı Fikir ve Sanat Eserleri Yasasına göre suçtur. Aksi davranışlara karşın yasal işlemlere başvurulacaktır.


Henüz yorum yapılmamış