İder kendüyi zâyi‘ gûşe-i mey-hâne olmazsa


Esa
8.04.2016
 
. - - - / . - - - / . - - - / . - - -
 
1.İder kendüyi zâyi‘ gûşe-i mey-hâne olmazsa
 Muhabbet ehli dîvâne olur mestâne olmazsa
 
2.Başı agrımasun ‘âlemde mahmûr-ı harâbâtuñ
 İder fark-ı serin sâgar eger peymâne olmazsa
 
3.Tolaş dirler aña meclisde ey şem‘-i şebistânum
 Eger bezmüñde ‘âşık hidmete pervâne olmazsa
 
4.Ne var fitrâkine bend itse cânân gerden-i cânı
 Eger ol halka-ı zülf ‘abîr-efşâne olmazsa
 
5.‘Atâyî gibi üstâde nazîre dimek olurdı
 Biraz nâzük edâlar olsa üstâdâne olmazsa
 
 
Bu içeriğe henüz katkı yapılmamış

Sitedeki yazıların tüm hakları ve sorumluluğu yazı sahiplerine aittir. Yazıların izin alınmadan kopyalanması ve kullanılması 5846 sayılı Fikir ve Sanat Eserleri Yasasına göre suçtur. Aksi davranışlara karşın yasal işlemlere başvurulacaktır.


Henüz yorum yapılmamış