Kıyâs eylemeñüz Yûsuf ile Kays’a beni


Esa
12.09.2017
239.
 . - . - / . . - - / . - . - / . . –
 
1.Kıyâs eylemeñüz Yûsuf ile Kays’a beni
 Ne zen beni sever aslâ ne ben cihânda zeni
 
2.Yinür mi sanduñ idi ‘aşk lezzetin ey Kays
 ‘Aceb mi kâse-şikest eylese nigâr seni
 
3.Günâh içün atılur suya diyü bende-i şâh
 O yâr gark-ı yem-i ‘aşk ider göñül vireni
 
4.Özi bilür eger itmezse hidmetin şimşâd
 Yirine diksün o nahl-ı ümîd-i nârveni
 
5.Pür eyle genc-i muhabbetle kalb-i vîrânı
 ‘Atâyî gibi dilâ tâ ki göñül ola ganî
 
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994
 
 
 
 
Bu içeriğe henüz katkı yapılmamış

Sitedeki yazıların tüm hakları ve sorumluluğu yazı sahiplerine aittir. Yazıların izin alınmadan kopyalanması ve kullanılması 5846 sayılı Fikir ve Sanat Eserleri Yasasına göre suçtur. Aksi davranışlara karşın yasal işlemlere başvurulacaktır.


Henüz yorum yapılmamış