Mevsim-i gül irdi gül-bang-ı hezâr eyyâmıdur


Esa
12.09.2017
 
85.
 - . - - / - . - - / - . - - / - . –
 
1.Mevsim-i gül irdi gül-bang-ı hezâr eyyâmıdur
 Devr-i âm u na‘ra-ı bî-ihtiyâr eyyâmıdur
2.Tutmada sûdâ-ger-i fasl-ı bahârî bârını
 Akçe peydâ eylesün her şâh kâr eyyâmıdur
3.Oldı hatt-ı rûy-ı dil-ber gibi cân-perver çemen
 Rûz-ı Hızr oldı safâ-yı sebzezâr eyyâmıdur
4.‘Iydgâh oldı çemen ‘âşık görüşsin yâr ile
 Tolular sun sâkiyâ bûs-ı kenâr eyyâmıdur
5.Vaktidür sür zevrakı yandur gül-efsûnı baña
 ‘Âlem-i ‘aşkuñ dem-i hicri yanar eyyâmıdur
6.Leblerinden bûseye sa‘y it kirâsuñ faslıdur
 Göñline gir dil-berüñ seyr-i hisâr eyyâmıdur
7.Zahm-ı pür-hûn-ı dili açma ‘Atâyî gonca-vâr
 Sanma bu eyyâmı şerh-i inkisâr eyyâmıdur
 
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994
 
 
Bu içeriğe henüz katkı yapılmamış

Sitedeki yazıların tüm hakları ve sorumluluğu yazı sahiplerine aittir. Yazıların izin alınmadan kopyalanması ve kullanılması 5846 sayılı Fikir ve Sanat Eserleri Yasasına göre suçtur. Aksi davranışlara karşın yasal işlemlere başvurulacaktır.


Henüz yorum yapılmamış