Sûfi-i zerrâkdan şûrîde-dil dermân umar


Esa
12.09.2017
 
41.
 - . - - / - . - - / - . - - / - . –
 
1.Sûfi-i zerrâkdan şûrîde-dil dermân umar
Gör ne gâfildür bu kim şeytândan îmân umar
2.Hat belürdi cân ümîd eyler belâ vü derdüñi
 Mîz-bân ahşâma karşu gûyiyâ mihmân umar
3.Dag-ı surhum gösterüp lutfuñ recâ itsem nola
 Bir gedâ kim şâha gül ‘arz eyleye ihsân umar
4.Yâr gelmezse yirine cânumuz gelmez bizüm
 Dil ümîd eyler zamân-ı vasl-ı yâri cân umar
5.İhtiyârı yok ser-i kûy-ı mugana varmada
 Mest-i rüsvâdur ‘Atâyî himmet-i merdân umar
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994
 
 
Bu içeriğe henüz katkı yapılmamış

Sitedeki yazıların tüm hakları ve sorumluluğu yazı sahiplerine aittir. Yazıların izin alınmadan kopyalanması ve kullanılması 5846 sayılı Fikir ve Sanat Eserleri Yasasına göre suçtur. Aksi davranışlara karşın yasal işlemlere başvurulacaktır.


Henüz yorum yapılmamış