Sunar dil-ber baña câm-ı gamı keyfiyetin bilmez


Esa
12.09.2017
 
102.
 
 . - - - / . - - - / . - - - / . - - -
 
1.Sunar dil-ber baña câm-ı gamı keyfiyetin bilmez
 Tabîbüm hastaya şerbet virür hâsiyetin bilmez
2.Çeker agyâre gâhî pîş-keş pehlû-yı sîmînin
 Dirîg ol Yûsuf-ı Mısr-ı melâhat kıymetin bilmez
3.Te‘accüb eylemeñ cevr itse dil-ber tıfl-ı nev-resîd
 Dahi mihr ü vefânuñ ol perî mâhiyetin bilmez
4.Bu meclis içre yârân birbirinden bî-haberlerdür
 Lebüñ mesti hatuñ ser-geştesinin hayretin bilmez
5. ‘Atâyî şerbet-i dârü’ş-şifâ-yı lutf u ihsânı
 Virenler ‘illetin sormaz alanlar hikmetin bilmez
 
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994
 
 
Bu içeriğe henüz katkı yapılmamış

Sitedeki yazıların tüm hakları ve sorumluluğu yazı sahiplerine aittir. Yazıların izin alınmadan kopyalanması ve kullanılması 5846 sayılı Fikir ve Sanat Eserleri Yasasına göre suçtur. Aksi davranışlara karşın yasal işlemlere başvurulacaktır.


Henüz yorum yapılmamış