Cânı dil ol ham-ı gîsû-yı semensâya çeker

14.07.2017

 
Fe`ilâtün fe`ilâtün fe`ilâtün fe`ilün
 
 1 Cânı dil ol ham-ı gîsû-yı semensâya çeker
 Râzını söylemek ister anı tenhâya çeker
 2 Kad çeküp gün-be-gün olmakda bülend ü mevzûn
 Nahl-i gül var ise ol serv-i dil-ârâya çeker
 3 Gizleyüp dâne-i hâl-i ruhınun sevdâsın
 Mûr-ı bî-çâre-i dil künc-i süveydâya çeker
 4 Hançerin kime olursa çeker ol gamze-i mest
 Dil-i mecrûh sakınsun anı da`vâya çeker
 5 Şükr kim ehl-i dili Hazret-i Sultân Murâd
 Işiginde kul ider rütbe-i vâlâya çeker
 6 Mu`terifdür yine sad gûne kusûra Yahyâ
 Gerçi makdûrını ol dergeh-i a`lâya çeker
 
                  Şeyhülislam Yahya Hayatı Divanı ve Şiirleri
 
Hasan KAVRUK , ŞEYHÜLİSLAM YAHYÂ DÎVÂNI,  T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147
 

Yorum Yapmak için Kayıt Olun veya Giriş Yapın

Yorumlar