Çeşm-i hûnînüm hayâlün şâhını i`zâz ider

14.07.2017

 
Fâ`ilâtün fâ`ilâtün fâ`ilâtün fâ`ilün
 
 1 Çeşm-i hûnînüm hayâlün şâhını i`zâz ider
 Her gelişde bir kumâş-i sürh pây-endâz ider
 2 Kim kaçar yalvarmadan dil-dâra ammâ neylesün
 Aşık-ı şeydâ niyâz itdükçe dil-ber nâz ider
 3 Sen hemân künc-i niyâzı bekle ey güncişk-i dil
Şâh-bâzun çünki evc-i nâzda pervâz ider
 4 Sırr-ı aşkı bülbül-i şeydâ niçün fehm itmeye
 Kanda bir agzı açık varsa anı hem-râz ider
 5 Az çok neylerse Yahyâ lutfıdur ihsânıdur
 Dime ol meh-rû cefâyı çok vefâyı az ider
 
                  Şeyhülislam Yahya Hayatı Divanı ve Şiirleri
 
Hasan KAVRUK , ŞEYHÜLİSLAM YAHYÂ DÎVÂNI,  T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147
 

Yorum Yapmak için Kayıt Olun veya Giriş Yapın

Yorumlar