Der-Bahr-ı Muzâri’ Sâlim Taktî’-eş

 

Der-Bahr-ı Muzâri’ Sâlim Taktî’-eş

 

 Mefâ’îlün Fâ’ilâtün Mefâ’îlün Fâ’ilâtün

 · − − − / − · − − / · − − − /− · − −

 

 Musammat

 

1 Degül çünkim hîç mümkin senüñ bir dem vasluñ aslâ

 Dem-â-dem yâ neyki câna cefây-ıla cevr cânâ

 Senüñ gibi mâh-peyker senüñ gibi mihr-manzar

 Bugün sensin yine dilber nigeh-dâruñ ola Mevlâ

 Nazîri yok bir güzelsin güzellikde bî-bedelsin

 Perî dirlerse mahalsin bu hüsn-ile saña cânâ

 Benüm yâr-ı gam-küsârum benüm şûh-ı şîve-kârum

 Benüm bî-hem-tâ nigârum güzel mi var saña hem-tâ

5 Gezüb Nazmî nola her sû urub na’ra dirse hû hû

 Kim itmişdür iy perî-rû senüñ ‘aşkuñ anı şeydâ

 

Yrd. Doç. Dr. Sibel ÜST, EDİRNELİ NAZMÎ DÎVÂNI (İNCELEME-METİN) T. C. KÜLTÜR VE TURİZM BAKANLIĞI, 2012 www.kulturturizm.gov.tr