Fâ`ilâtün fâ`ilâtün fâ`ilâtün fâ`ilün
1 Dîde hûn-ı dille pür oldukça eşk-i ter döker
Aglamakdan gayrı dermân bulımaz ölçer döker
2 Kâş ol toprâg olaydum gûşe-i mey-hânede
Üstüne sâkî-i meclis cür`a-i sagâr döker
3 Sür`ât itme sâkiyâ destünde varken tolı câm
Bâd-ı tünd esdükce bir gün bâgda güller döker
4 Gâh nergis `ayş ider zerrîn kadehle râygân
Gâh olur girmez eline nice sîm ü zer döker
5 Bir `aceb vâdîye saldı `aşk-ı bî-pervâ beni
Ana ankâ-yı hayâl ugrarsa Yahyâ per döker
Hasan KAVRUK , ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147