Gelür mihmân-ı gam câna şeb-i mihnet hücûm eyler

 

 

 

 1 Gelür mihmân-ı gam câna şeb-i mihnet hücûm eyler

 Gönül zünburveş inler ne bâl eyler ne mûm eyler

 2 Cihânda rind odur ugratmayup âlâm-ı dünyâyı

 Muvâfık yâr ile bir gûşede def`-i gumûm eyler

 3 Hat-ı ruhsârınun sevdâsın itse dil ba'îd olmaz

 Biraz da Çîni görsün çok zamândur seyr-i Rûm eyler

 4 Nice cân virmeyem bûy-ı dil-âvîzine dil-dârun

 Müşerref eyledükçe bezmi tebşîr-i kudûm eyler

 5 Ta`ayyünden halâs olur bu bezmün hem-demi Yahyâ

 Habâb-ı sâgar-ı sahbâ gibi mahv-ı rüsûm eyler

 

 

Hasan KAVRUK , ŞEYHÜLİSLAM YAHYÂ DÎVÂNI,  T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147