Fâ`ilâtün fâ`ilâtün fâ`ilâtün fâ`ilün
1 Kasdun ey dil yüksek uçar bir hümâ pervâzedür
Hâke ol itmez tenezzül meyli evc-i nâzedür
2 Kâmet-i bâlâ belâsıyla çakışdırmak olur
Gussa-i dûr u dırâz zülfi bî-endâzedür
3 Dâglarla nev-be-nev zeyn eyleyüp `arz ideyin
Meyl ide şâyed görince dâg-ı sînem tâzedür
4 Bir güzel mecmû`adur gül vasf-ı rûyun yazmaga
`Andelîbün rişte-i cânı `aceb şîrâzedür
5 Yâre `âşıkdur diyü `uşşâkdan gör nagmeyi
Çıkdı Yahyâ nakşımuz `âlemde bir âvâzedür
Hasan KAVRUK , ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147