Müstezâd : Şîve-yile nâz-ıla diller alan dilberâ

 

Müstezâd

 

Der-Kâfiye-i Mücerred Elif Revî

 [Müfte’ilün Fâ’ilün Müfte’ilün Fâ’ilün]

− · · − / − · − / − · · − / − · −

 

1 Şîve-yile nâz-ıla diller alan dilberâ

 Olsa mülâyim dilâ

 ‘Âşıka cevr idecek eylese yine vefâ

İtmese dâyim cefâ

 ‘Âşıkına bir sanem itmese çok çok sitem

386

 Eylese geh geh kerem

Şîveyi az itse hem olsa vefâ hûy aña

 Sürse dil andan safâ

 Gördügi dem ‘âşıkın yüz çevürür ol güzel

 Nâz idüb ol bî-bedel

 ‘Âşık-ı zâra ider âh bu yüzden cefâ

Şîve-yile dâyimâ

 Dilber odur kim ola ragbeti ehl-i dile

 ‘Âşıkı kadrin bile

 Yolına virmek anuñ nakd-i revânı revâ

 Aña bu cânum fedâ

5 Yâr efendümdurur hûblar içre benüm

İşigidür meskenüm

 Ben de anuñ cân-ıla bendesiyem bî-riyâ

Şübhe mi var Nazmiyâ

Yrd. Doç. Dr. Sibel ÜST, EDİRNELİ NAZMÎ DÎVÂNI (İNCELEME-METİN) T. C. KÜLTÜR VE TURİZM BAKANLIĞI, 2012 www.kulturturizm.gov.tr