Nazîre Meydâna okusun hele ‘uşşâk-ı bî-riyâ

 

Nazîre

 

 [Mef’ûlü Fâ’ilâtü Mefâ’îlü Fâ’ilün]

− − · / − · − ·/ · − − ·/ − · −

 

1 Meydâna okusun hele ‘uşşâk-ı bî-riyâ

 Agyâruñuñ gelür mi gör ortaya biri yâ

 Gün yüzüñi ne gün ki görem iy iki gözüm

Şevküñle bu göñül olur ol ân pür-ziyâ

 Mânend-i ebr-i def’i ‘arak-rîz olur gözüm

 Gün yüzüñi görince ider şol kadar hayâ

 Kaşuñla kirpigüñ beni hod âhir öldürür

 Neyler elüñde yâ beni katl içün ok u yâ

5 Cânâ revân iderdüm o dem lutf-ıla diseñ

Cân nakdini yolumda nisâr eyle Nazmiyâ

 

Yrd. Doç. Dr. Sibel ÜST, EDİRNELİ NAZMÎ DÎVÂNI (İNCELEME-METİN) T. C. KÜLTÜR VE TURİZM BAKANLIĞI, 2012 www.kulturturizm.gov.tr