Nazîre Ol yâr-ı cânumuñ lebin ol kim aña baña

 

 

Nazîre

 

 [Mef’ûlü Fâ’ilâtü Mefâ’îlü Fâ’ilün]

− − · / − · − ·/ · − − ·/ − · −

 

1 Ol yâr-ı cânumuñ lebin ol kim aña baña

 Cândan gelür o demde anuñ sözi gûyiyâ

 Cânâne ile eyledi cânum şu deñlü üns

 Kim cândan oluram ben o cânânesüz cüdâ

 Pür-şevk olurdı göñlüm ü rûşen bu hâtırum

 Bir zerre deñlü itse baña mihr o meh-likâ

 Emvâc-ı pür-hatardan ebed eylemez hazer

 Gavvâs-ı bahr-ı ‘aşk-ıla olanlar âşinâ

5 Bî-şu’le şem’ gibidurur imdi Nazmiyâ

 ‘Uşşâk-ı bî-nevâsına bî-mihr-i meh-likâ

 

Yrd. Doç. Dr. Sibel ÜST, EDİRNELİ NAZMÎ DÎVÂNI (İNCELEME-METİN) T. C. KÜLTÜR VE TURİZM BAKANLIĞI, 2012 www.kulturturizm.gov.tr