Fâ`ilâtün fâ`ilâtün fâ`ilâtün fâ`ilün
1 Rast gelüm yâre bir serv-i dil-ârâdur gider
Pâyına `uşşâk düşmüş bir temâşâdur gider
2 Kanda gitsen zülf-i müşgînünden ayrılmaz gönül
Kâr u bârın baglamış hâzır müheyyâdur gider
3 Câme-i gülgûn ile olmuş o şeh eşheb-süvâr
San nesîm-i subh ile gül-berg-i ra`nâdur gider
4 Kâr-ı dîn ısmarlanur dünyâyı bilmez gâfile
Söze âgâz itse ammâ dîn ü dünyâdur gider
5 Bî-bekâdur devlet ü ikbâl Yahyâ'dan işit
Başuna alma belâ-yı aşkı gavgâdur gider
Hasan KAVRUK , ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147