Ser-i zülfünde dilün nâle-i şeb-gîri nedür

14.07.2017

 
Fe'ilâtün fe`ilâtün fe`ilâtün fe`ilün
 
1 Ser-i zülfünde dilün nâle-i şeb-gîri nedür
 Bu belâdan nice cân kurtara tedbîri nedür
2 Firkatünde dil-i şeydâyı tamâm itdi gamun
 O fakîrün nedür eksükligi taksîri nedür
3 Gamze tîgi müje tîriyle görünse dil-dâr
 Rüstem-i Zâl nedür tîgi nedür tîri nedür
4 Istemez çünki mukayyed ola kendüyle cihân
 Bir taraf silsile-i zülf-i girih-gîri nedür
5 Akibet öldürürin hışm ile Yahyâ'yı dimiş
 Gönli var çünki vefâ itmege te`hîri nedür
 
                  Şeyhülislam Yahya Hayatı Divanı ve Şiirleri
 
Hasan KAVRUK , ŞEYHÜLİSLAM YAHYÂ DÎVÂNI,  T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147
 

Yorum Yapmak için Kayıt Olun veya Giriş Yapın

Yorumlar