Be hey güzel begüm baña hemîşe niçe bir cefâ


Esa
5.4.2016
 
Gazel 
 
Be hey güzel begüm baña hemîşe niçe bir cefâ
 Bu bende neyledüm saña hemîşe niçe bir cefâ
 
 Be hey iki gözüm güzel güzeller içre bî-bedel
 Cefâdan imdi vaz gel hemîşe niçe bir cefâ
 
 Be hey benüm iki gözüm ayaguñ altına yüzüm
Hemîn saña budur sözüm hemîşe niçe bir cefâ
 
 Be hey begüm bu bendeye bu ‘âşık-ı fikendeye
İkide bir de sen diye hemîşe niçe bir cefâ
 
5 Bu Nazmîye hey âfetüm be hey benüm kıyâmetüm
 Â devletüm sa’âdetüm hemîşe niçe bir cefâ
 
 
 

Sitedeki yazıların tüm hakları ve sorumluluğu yazı sahiplerine aittir. Yazıların izin alınmadan kopyalanması ve kullanılması 5846 sayılı Fikir ve Sanat Eserleri Yasasına göre suçtur. Aksi davranışlara karşın yasal işlemlere başvurulacaktır.


Henüz yorum yapılmamış