Câm la’ lüñdür senüñ âyîne rûy-ı enverüñ


Esa
20.3.2016
Fâ’ ilâtün fâ’ ilâtün fâ’ ilâtün fâ’ ilün
 
Câm la’ lüñdür senüñ âyîne rûy-ı enverüñ
Adı var Câm-ı Cem ü Âyîne-i İskenderüñ
 
Kâh-ı hüsn-i yâre bak seyr it ham-ı ebrûsını
Adın añma tâk-ı Kisrâ ile kasr-ı Kayserüñ
 
Nûş iden câm-ı lebüñ ölmekden asla gam yimez
Kim humârı olmaz ey sâkî şarâb-ı Kevserüñ
 
Nâr-ı âhumdan hazer kıl ey sipihr-i pîre-zen
Tutışur bir gün sakın ol âsmânî çenberüñ
 
Bir içim su istedi hecrüñde Bâkî haste-dil
Virmedi kat’ â cevâb aña tayandı hançerüñ 
 

Sitedeki yazıların tüm hakları ve sorumluluğu yazı sahiplerine aittir. Yazıların izin alınmadan kopyalanması ve kullanılması 5846 sayılı Fikir ve Sanat Eserleri Yasasına göre suçtur. Aksi davranışlara karşın yasal işlemlere başvurulacaktır.


Henüz yorum yapılmamış