Egerçi kim göñül dönmez vefâdan biñ cefâ kılsañ


Esa
19.6.2017
Egerçi kim göñül dönmez vefâdan biñ cefâ kılsañ (344/1)
N’ola şâhâ esirgeyüp aña bir gün vefâ kılsañ
Hezârân vade itmişsin alınca göñlümi benden (344/2)
Bu kamu vadenüñ n’ola birisini edâ kılsañ
Safâ bulam diyü sevdi göñül sini niceyedek (344/3)
Mükedder idesin anı n’ola bir kez safâ kılsañ
Dudaguñ Âb-ı Hayvândur kamusı derde dermândur (344/4)
N’ola ben hastaya birgün sevâb idüp devâ kılsañ
Hezârân oh atar gamzeñ benüm cânuma her lahza (344/5)
Ne ola iy hıtâ gözlü biñ ohda bir hatâ kılsañ
Cemâlüñ iştiyâkında gözüm kan yaş döker n’ola (344/6)
Ayaguñuñ tozından sen gözüme tûtiyâ kılsañ
Senüñ ol fitne gözlerüñ içerler Ahmedî kanın (344/7)
N’ola bî-çârenüñ suçın bilibenüñ cezâ kılsan
 
 
https://ekitap.kulturturizm.gov.tr/Eklenti/10591,ahmedidivaniyasarakdoganpdf.pdf?0

Sitedeki yazıların tüm hakları ve sorumluluğu yazı sahiplerine aittir. Yazıların izin alınmadan kopyalanması ve kullanılması 5846 sayılı Fikir ve Sanat Eserleri Yasasına göre suçtur. Aksi davranışlara karşın yasal işlemlere başvurulacaktır.


Henüz yorum yapılmamış