Ey kemâlım var diyen kanı kemâlıñ kandedür


Esa
6.6.2016
 
Fâ‘ilâtün Fâ‘ilâtün Fâ‘ilâtün Fâ‘ilün
 
 1 Ey kemâlım var diyen kanı kemâlıñ kandedür
 Yûsuf-ı Ken‘ân iseñ göster cemâlıñ kandedür
 
 2 Yir ü gök ü ‘arş u kürsî cümle ‘âlem Hâlikıñ
 Ey sehâvet ehliyem diyen nevâliñ kandedür
 
 3 Nice biñ taht islerin bir tahtaya bindürdiler
 Tâc u tahtum var diyen gör mülk ü mâlıñ kandedür
 
 4 Hvâceniñ salı öñünce yilişirler hvâceler
 Nâzıla ten besleyen bak noldı hâliñ kandedür
 
 5 ‘İlm içinde çok kemâlim var diyü bahs eyleyen
 Yarın ol meydâna getür kîl ü kâliñ kandedür
 
 6 Ey cihânda pehlevânum diyü da‘vâ eyleyen
 Div-i nefsiñ basmaga pes getür âliñ kandedür
 
 7 Bir togansın bunda seni bir şikâre saldılar
 Uçmaga dôstdan yañaya perr ü bâliñ kandedür
 
 8 Niçe biñ kand ü şeker sâhibleri saçın yolar
 Sanki agzı agu dolmuş pes zülâliñ kandedür
 
 9 Ey Sinân Ümmî ne ‘aceb ‘âleme dak eyledüñ
 Çek başıñı hırkaya ey dervîş şâliñ kandedür
 
Doç. Dr. A. Azmi BİLGİN,ÜMMÎ SİNAN DİVANI,K.veTurzm.Bak.,ekitap.kulturturizm.gov.tr
 
 
Bu içeriğe henüz katkı yapılmamış

Sitedeki yazıların tüm hakları ve sorumluluğu yazı sahiplerine aittir. Yazıların izin alınmadan kopyalanması ve kullanılması 5846 sayılı Fikir ve Sanat Eserleri Yasasına göre suçtur. Aksi davranışlara karşın yasal işlemlere başvurulacaktır.


Henüz yorum yapılmamış