Işkuña ehl-i nazar baht-ı hümâyûn didiler

 
Işkuña ehl-i nazar baht-ı hümâyûn didiler (211/1)
Kapuñuñ kullugını devlet-i efzûn didiler
Gören agzuñı aña teşne-durur Âb-ı Hayât (211/2)
Cânları mest ider bu leb-i mey-gûn didiler
Akl u cân u dil ü dîn-ile ele girür-ise (211/3)
Ayaguñ topragı anı sana magbûn didiler
Cân virenler saña cîmin göriben saçlaruñuñ (211/4)
Kâmetüñe elif ü kaşlaruña nûn didiler
Aklı olanlar gözüñüñ fitnesini göribenüñ (211/5)
Melek ü hûr dahı ola buña meftûn didiler
Ehl-i Bagdâd-ıla Hwârezm bahup yaşlaruma (211/6)
Bahr katında n’olur Dicle vü Ceyhûn didiler
Ahmedî hâlini zülfüñde ne dir görenler (211/6)
Unudıldı haber-i Leylî vü Mecnûn didiler
 
 
 http://ekitap.kulturturizm.gov.tr/Eklenti/10591,ahmedidivaniyasarakdoganpdf.pdf?0

Şairin Diğer Şiirleri


Sitedeki yazıların tüm hakları ve sorumluluğu yazı sahiplerine aittir. Yazıların izin alınmadan kopyalanması ve kullanılması 5846 sayılı Fikir ve Sanat Eserleri Yasasına göre suçtur. Aksi davranışlara karşın yasal işlemlere başvurulacaktır.

Yapılan Yorumlar

Henüz yorum yapılmamış...

Yorum Yaz

Yorum yazmak için üye girişi yapınız...