Kimse bilmez ahvâlımı ‘aşk-ıla yâr olan bilür


Esa
6.6.2016
 
 
 Kimse bilmez ahvâlımı ‘aşk-ıla yâr olan bilür
 Yedi iklîm dört köşeye hikmet-ile tolan bilür
 
 2 İnceden ince bir sırdur añlayan bir ile birdür
 Üç hurûfuñ dört kitâbıñ ma‘nisini bilen bilür
 
 3 ‘Ayn ‘ayân eyler hakkı şîn şarâbın sunar sâki
 Kâf kanâ‘at kapusında turup secde kılan bilür
 
 4 İki elif iki nûnuñ bir sîniñ ma‘nisi olan
 Sırr iline sultân olur ölmezden öñ ölen bilür
 
 5 Eyü âdem olan kişi hak yolında ‘adem gerek
 Elif-ile mîmiñ dâlıñ terkîbini silen bilür
 
 6 Yidi yirden tokuz gökden ötesin seyr ider sâlik
 Bunı böyle görenlere söylemedüm yalan bilür
 
 7 Bu cânıñ irdügi zevkı ne bilsün görmeyen kimse
 Ümmî Sinânıñ ahvâlın bahr-ı ‘aşka talan bilür
 
Doç. Dr. A. Azmi BİLGİN,ÜMMÎ SİNAN DİVANI,K.veTurzm.Bak.,ekitap.kulturturizm.gov.tr
 
Bu içeriğe henüz katkı yapılmamış

Sitedeki yazıların tüm hakları ve sorumluluğu yazı sahiplerine aittir. Yazıların izin alınmadan kopyalanması ve kullanılması 5846 sayılı Fikir ve Sanat Eserleri Yasasına göre suçtur. Aksi davranışlara karşın yasal işlemlere başvurulacaktır.


Henüz yorum yapılmamış