Kül idüp eczâmı yakmak oldı çünkim hû sana


Esa
16.4.2016
 
 
Gazel
 
[fâ’ilâtün fâ’ilâtün fâ’ilâtün fâ’ilün]
 
Kül idüp eczâmı yakmak oldı çünkim hû sana
Lutfun âbı sâkin itmezse begüm yâ hû sana
 
Kılca ben bîmârı bûy-ı zülf ile yâd itmedün
Ey sabâ ol sag esen dâyim kalursa bu sana
 
Sanma gül gibi güler yüz gösterür ey seg rakîb
Rîş-hand ider müdâm ol gözleri âhû sana
 
Şöyle bî-rahm oldı yârün lebleri ey teşne-dil
Mâ dimez öldüm meded dirsen bir içüm su sana
 
Mest olup dîvâne oldun Rahmiyâ mey isteme
Hürmet itmez çün bilürsin ol delükanlu sana
 
 
 

Sitedeki yazıların tüm hakları ve sorumluluğu yazı sahiplerine aittir. Yazıların izin alınmadan kopyalanması ve kullanılması 5846 sayılı Fikir ve Sanat Eserleri Yasasına göre suçtur. Aksi davranışlara karşın yasal işlemlere başvurulacaktır.


Henüz yorum yapılmamış