Lâyık degül mi sen büt-i şîrîn-likây-ıçun

 
 
Lâyık degül mi sen büt-i şîrîn-likây-ıçun (530/1)
Cânın fidî kulur-ısa âşık vefâ-y-ıçun
Işkuñ ezelde göñlümi sayd itdi hâşa kim (530/2)
Tagyîr bula tâ ebed ol her cefâ-y-ıçun
Kasduñ bu-y-ısa kim beni ışkuñ feña kıla (530/3)
Yüz biñ bekâyı terk ideyim ol fenâ-y-ıçun
Kanum hârâmi gözüñe olsun halâl eger (530/4)
Bir bûse viresin baña sen hûn-bahâ-y-ıçun
Şükr-âne cân virem getürürse seher yili (530/5)
Baña ayaguñuñ tızını tûtiyâ-y-ıçun
Bâd-ı hevâ-durur kamu vadeñ senüñ benüm (530/6) c
Ömrini terk iden kişi bâd-ı hevâ-yı-ıçun
Sehv-ile müşg-i zülfüñe beñzetdi kendüzin (530/7)
Lâ-büd hatâya çıhdı anı bu hatâ-y-ıçun
Kapuñda sâdık-âne-durur subh hidmete (530/8)
Mihr-ile yañaguñ dahı nûr u safâ-y-ıçun
Hoş dutgıl Ahmedîyi ki kul itdi kendüzin (530/9)
Bî-çâre sıdk-ıla saña bir merhabâ-y-ıçun
 
 
Dr. Yaşar AKDOĞAN, Ahmedî DÎVÂN http://ekitap.kulturturizm.gov.tr/Eklenti/10591,

Şairin Diğer Şiirleri


Sitedeki yazıların tüm hakları ve sorumluluğu yazı sahiplerine aittir. Yazıların izin alınmadan kopyalanması ve kullanılması 5846 sayılı Fikir ve Sanat Eserleri Yasasına göre suçtur. Aksi davranışlara karşın yasal işlemlere başvurulacaktır.

Yapılan Yorumlar

Henüz yorum yapılmamış...

Yorum Yaz

Yorum yazmak için üye girişi yapınız...