Mari, Maşu, Benim Sevdicääm”


Esa
26.11.2016
 
Mari, Maşu, Benim Sevdicääm”
 
… Todurçu dedi, “ – Mari Maşu,
Neredän sän peydahlandın
Neredän sän peydahlandın?
— Bre gidi yolcu, nerdän sän bilersin,
Nerdän sän bilersin, ani te bän Maşu?
Vardır lafettiimiz mi? Emek mi idimiiz?
—Vardır lafettiimiz ta, ekmek ta idimiz.
— Mari Maşu, genç gelin, dedi,
Yok muydur nasıl konak kabledäsin
Beş yüz koyun kuzularınnan?
— Bre gidi yolcu, sorayım anama,
Sorayım anama, ihtiyar kayınnama.
— Mali ma, male, ihtiyar kayınnam,
Bir yolcu ister, konak kabledelim,
500 koyun kuzularınnan.
— Vardır nasıl gelsin, konakta kalsın
Bizim da Todurçu kim neredä
Kim neredä kırda bayırda.
Todurçu, dedi: - Mari, Maşu
Yok muydur nasıl başımı yıkayasın?
— Bre gidi yolcu, sorayım anama,
Sorayım anama, ihtiyar kayınnama.
— Mali, ma, male, ihtiyar kayınnam
Bu yolcu ister başını yıkayım.
— Vardır nasıl yıkayasın, gelin,
Bizim da Todurçu kim neredä
Kim neredä kir kihlä beslär.
Maşu da aldı, başını yıkamaa
Hem yıkayor, hem de lafederlar
Maşu da gördü başındaki nışanı
Todurçuya dedi, -Bre gidi, yolcu,
— Bre gidi, yolcu, ne pek benzersin,
Ne pek benzersin, binim Todurçuuma.
Kayınnası sa kapuda seslärdi,
Hem seslärdi, hem de baarardı:
— Mari Maşu, genç gelin, dedi,
—Ne ölä sän alemin adamnarını
Benzediyorsun benim Todurçuuma?
Girärsaydım içeri, cellat ederim,
Cellat ederim ikinizi da
 
213 (İngilis 2005).
file:///C:/Users/USER/Downloads/316-Qaqauz_(Qaqavuz)_Yerinde_Qadin_(Irina_Iusiumbeli)_(Ankara-2008).pdf
 
 
 

Sitedeki yazıların tüm hakları ve sorumluluğu yazı sahiplerine aittir. Yazıların izin alınmadan kopyalanması ve kullanılması 5846 sayılı Fikir ve Sanat Eserleri Yasasına göre suçtur. Aksi davranışlara karşın yasal işlemlere başvurulacaktır.


Henüz yorum yapılmamış