Şikâyet itme ey dil cevr-i nâz-ı dil-sitânı çek


6.10.2017
 
[239]
Mefâ`îlün Mefâ`îlün Mefâ`îlün Mefâ`îlün
1 Şikâyet itme ey dil cevr-i nâz-ı dil-sitânı çek
 Cefâya kıl tahammül bir zamân âh-ı nihânı çek
2 Ne hâlet var göre âyîne-i sâgarda ey sôfî
Gelüp kûy-ı harâbâta şarâb-ı ergavânı çek
3 Zerüñ ey hâce turdukca ser-i mû deñlü hayr itmez
 Anı sarf eyle bârî sîneye bir mû-miyânı çek
4 Saña peymâne-i ta`n-ı riyâ teklîf iden zâhid
 Baña dir bezm-i `ışka sen varup rıtl-ı girânı çek
5 Şeh-i tab`uñ şikâr-ı sayd-ı ma`nâ kasdın itdükce
İriş Nâmî kümeyt-i hâme-i çâpük-`inânı çek
NÂMÎ - AHMET NÂMÎ (17. Yy)
Yard. Doç. Dr. Ahmet YENİKALE  AHMET NÂMΠ DÎVÂNI VE İNCELEMESİ, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3194 KÜLTÜR ESERLERİ
Bu içeriğe henüz katkı yapılmamış

Sitedeki yazıların tüm hakları ve sorumluluğu yazı sahiplerine aittir. Yazıların izin alınmadan kopyalanması ve kullanılması 5846 sayılı Fikir ve Sanat Eserleri Yasasına göre suçtur. Aksi davranışlara karşın yasal işlemlere başvurulacaktır.


Henüz yorum yapılmamış