Şu‘le kim şem‘üñ başında efser-i zer gibidür


Esa
11.4.2016
 
 
Fâ‘ilâtün/ Fâ‘ilâtün/ Fâ‘ilâtün/ Fâ‘ilün
 
Şu‘le kim şem‘üñ başında efser-i zer gibidür
Bir gümüş serv üstine konmış semender gibidür
 
Kadd-i Şîrîn yâdına her âhı gam Ferhâd’ınuñ
Bîsütûn tagında bir mevzûn sanavber gibidür
                                                           
Sen şu âdemsin ki ey Yûsuf-likâ nâzük tenüñ
Nûr-ı Ahmed hakıçün rûh-ı musavver gibidür
 
Âteş-i âhumdan olmışdur bu kim eflâkde
Ay u gün hâkister içre kalmış ahker gibidür
 
Ger Behiştî ‘ârız-ı yâra harîs olsa n’ola
Âb-ı sâfî teşneye cennetde Kevser gibidür
 
 
Dr. Yaşar AYDEMİR, BEHİŞTÎ DÎVÂNI,
 
Behişti  Ramazan 
 

Sitedeki yazıların tüm hakları ve sorumluluğu yazı sahiplerine aittir. Yazıların izin alınmadan kopyalanması ve kullanılması 5846 sayılı Fikir ve Sanat Eserleri Yasasına göre suçtur. Aksi davranışlara karşın yasal işlemlere başvurulacaktır.


Henüz yorum yapılmamış