Ya dilde dûd-ı âhumdan ya gözde nemden incindüñ


Esa
11.4.2016
Mefâ‘îlün/ Mefâ‘îlün/ Mefâ‘îlün/ Mefâ‘îlün
 
Ya dilde dûd-ı âhumdan ya gözde nemden incindüñ
Çün incindüklerüñ bunlar degül ya nemden incindüñ
 
Gam-ı cânân baña senden degül cândan mukaddemdür
Yıkıl git şundan ey dil çünki sen ol gamdan incindüñ
 
Rakîbiçün baña sögdüñ ne sîretlü meleksin sen
Olayın âşinâ-yı seg diyü âdemden incindüñ
 
Meger ey la‘l-i yâri görüp îmâna gelen tersâ
Yine togurdı ‘Îsâ’yı diyü Meryem’den incindüñ
 
Behiştî gel bir özge ‘âleme tut rûy-ı ikbâli
Ne kahrını çekersin çünki bu ‘âlemden incindüñ
 
 
Dr. Yaşar AYDEMİR, BEHİŞTÎ DÎVÂNI, https://ekitap.kulturturizm.gov.tr/

Sitedeki yazıların tüm hakları ve sorumluluğu yazı sahiplerine aittir. Yazıların izin alınmadan kopyalanması ve kullanılması 5846 sayılı Fikir ve Sanat Eserleri Yasasına göre suçtur. Aksi davranışlara karşın yasal işlemlere başvurulacaktır.


Henüz yorum yapılmamış