Gazel
 
Acab bilsem beni şeydâ kılan kim
Bana bu ışk odın peydâ kılan kim
 
Acablaram acab kaldum ilâhî
İmân ehlin dutup tersâ kılan kim
 
Kamışdan şeker ü taşdan cevâhir
Agaçdan dâneyi hurmâ kılan kim
 
Tenüm yetmiş iki dürlü damardur
Kimin irmak kimin deryâ kılan kim.
 
Ko bu tedbîri gel takdîri gözle
Bugünki va’deyi ferdâ kılan kim
 
Bu natun ferrişi her dem bu ferrâş
Bu arşun rengîni mînâ kılan kim
 
Hasan Oğlu bu bir katra menîden
Anun hûb sûretin zîbâ kılan kim.
 
Canpolat, Mustafa (hzl.) (1982). Ömer Bin Mezîd, Mecmûatü’n-Nezâir. Ankara: TDK Yay. 150-151.