Aceb mi girye-i mestâne itse çeşm-i şehlâlar

34.

. - - - / . - - - / . - - - / . - - -

 

1.‘Aceb mi girye-i mestâne itse çeşm-i şehlâlar

 Dökilmez mi ya geçgin mest elinden câm-ı sahbâlar

 

2.Şarâb-ı nâz kesgin gamzeler tîg-i cilâ-dâde

 Halâs olmaz ol iki mest elinden cân-ı şeydâlar

3.Gül üzre sünbüli düşmiş perîşân-ı humâr olmış

 Ne mümkin devşürilmek şimdi ol zülf-i semen-sâlar

4.Felek gümler figânum sadmesinden kûhsâr iñler

 O mest-i fitne-engîzüñ degül mi hep bu gavgâlar

5.‘Atâyî bâde-i eşküm içüp mestâne olmışdur

 ‘Aceb mi mest olup biri birine girse deryâlar

 

Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994