Açılur gül gibi bir gonçe-dehânum vardur

 

[77]

Fe`ilâtün Fe`ilâtün Fe`ilâtün Fe`ilün

96

1 Açılur gül gibi bir gonçe-dehânum vardur

 Bülbül-âsâ gam-ı `ışkıyla figânum vardur

2 Nâvek-i gamzeleri sîne deler câna geçer

Kurılur nâz ile bir kaşı kemânum vardur

3 Gonçe-i nergis-i şehlâ gibi bir gül bedene

 Dâyimâ best ü küşâd-ı nigerânum vardur

4 Âha leb-teşne isem n`ola dem-â-dem dilde

 Lâle-veş şu`le virür dâğ-ı nihânum vardur

5 Mürde hîz-i dil olur şîve-i reftârından

Bir kıyâmet koparur serv-i revânum vardur

6 Kaddümi bükdi benüm hasret ile bir kaşı ya

 Gamzesi tîrine biñ sîne nişânum vardur

7 Gözi câdûları Nâmî n`ola teshîr itsem

Eser-i hâme gibi sihr-i beyânum vardur

 

 

Yard. Doç. Dr. Ahmet YENİKALE  AHMET NÂMÎ  DÎVÂNI VE İNCELEMESİ, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3194 KÜLTÜR ESERLERİ