Acımam ‘ışkı ile zâr u nizâr oldıguma
29.07.2017
Fe‘ilâtün Fe‘ilâtün Fe‘ilâtün Fe‘ilün
1. Acımam ‘ışkı ile zâr u nizâr oldıguma
Yâr eger hîç kulak tutmasa zâr oldıguma
2. Yog iken sînede fikr-i dehenüñ bir zerre
Hîç memnûn degilem dünyede var oldugıma
3. Ben de ‘âşıklar ‘idâdından olaydum ma‘dûd
Bâgda bakmaz idüm şekl-i hezâr oldugıma
4. Arkasında o bütün zevk u safâdur matlab
Lîk mahcûb oluram kendüye bâr oldıguma
5. Sefer-i bâdiye-i ‘ışka ayaklanmış iken
Pek kederlendi göñül nefse sivâr oldıguma
6. Vasat-ı hâli-i vefk-i dile eyle nazarı
Bakma sûretce benüm ehl-i kenâr oldıguma
7. Kâniyâ lübb-i me‘ânî beni cânlandurdı
Tevbe sevdâ-zede-i nakş-ı nigâr oldıguma
Dr. İlyas YAZAR , K Â N Î D Î V Â N I, Ankara 2012
