Ağladur yâr beni hem-dem-i ağyâr olalı
12.10.2017
451
. . - - / . . - - /. . - - /. . –
Ağladur yâr beni hem-dem-i ağyâr olalı
Dostlar gülmemişüz ‘ışka giriftâr olalı
Kûyına varmak içün sâyem ayağuma düşer
Yine ‘ızzetdeyüz ol serve hevâdâr olalı
Ayağ üstinde surâhî turuban hıdmet ider
Sâkıyâ hem-kadeh ol la’l-i şekerbâr olalı
Binini bir pula almaz sulu şeftâlülerün
Bu gönül bûse-i dildâra harîdâr olalı
Hükmine hîç mutî’ olmadılar dil-berler
Bu Revânî neye irişdi divîddâr olalı
Ziya Avşar, REVÂNÎ DÎVÂNI, KÜLTÜR VE TURİZM BAKANLIĞI YAYIMLARI ,ISBN 978-975-17-3352-8
