Aglayup bûsesin alur dil-i şeydâ her dem

. . - - / . . - - / . . - - / . . –

 

1.Aglayup bûsesin alur dil-i şeydâ her dem

 Sîm-i eşkini satar dil-bere dirhem dirhem

2.Kahramân’ı bakışıyla nola eylerse helâk

 Gamzesinüñ gamıdur ‘âşıka tîg-i gamgam

3.Rûyın öpdürse o dil-dâr ‘aceb ‘âlem idi

 Bûse-i la‘lini lutf eylese cân-ı ‘âlem

4.Diñlemez bülbül-i şûrîdelerüñ feryâdın

 Güllerüñ gûşına kurşun mı akıtdı şeb-nem

5.Hat-ı cânâneye beñzetmede müşgîn-rakamın

 Ey ‘Atâyî yine düşmiş tama‘-ı hâma kalem

 

Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994