Agzuñda ne var çeşme-i hayvân dahı bilmez

Agzuñda ne var çeşme-i hayvân dahı bilmez (276/1)

Sırrumı anuñ-ıla nedür cân dahı bilmez

 

Kapuñda gedâlig-ile bir saltanatum var (276/2)

Ki_ol saltanatuñ kadrini sultân dahı bilmez

 

Hâsıyyetine dudaguñuñ irmedi Îsî (276/3)

Ficlin gözüñüñ Mûsi-yi cİmrân dahı bilmez

 

Boynum tamarından baña sen yahınurahsın (276/4)

İllâ n’iredesin reg-i şeryân dahı bilmez

 

Bir bahra düşürdi beni ışkuñ ki anı hergiz (276/5)

Ne bahr-durur Kulzüm ü Ummân dahı bilmez

 

Nûş eyle mey-i sâfı ki sûfîde safâ yoh (276/6)

Efcâli var anuñ anı şeytân dahı bilmez

 

Perde ney-ise küfr-ile İslâm arasında (276/7)

Zâhirdür anı dime müsülmân dahı bilmez

 

Kuş dilini bildüñse dahı bî-edeb olup (276/8)

Dime ki_anı Dâvud u Süleymân dahı bilmez

 

Ol sözi Ahmedî illâ bunı dir kim (276/9)

Sırrın sözümün Hwace vü Selmân dahı bilmez

 

Dr. Yaşar AKDOĞAN, Ahmedî DÎVÂNI, T. C. KÜLTÜR VE TURİZM BAKANLIĞI, 3141 KÜLTÜR ESERLERİ 424