Âh eyledigüm hâl-i siyehkâruñ içündür
14.04.2016
Mef‘ûlü Mefâ‘îlü Mefâ‘îlü Fe‘ûlün
1. Âh eyledigüm hâl-i siyehkâruñ içündür
Kan agladıgum la‘l-i güher-bâruñ içündür
2. Arama dü-çâr olmadıgum bâg-ı fenâda
Ol serv-i sehî şîveli reftâruñ içündür
3. Lâl oldıgum ahbâb miyânında çü sûret
Tûtî gibi gayrîlere güftâruñ içündür
4.4a Dil-berleri sensüz göze göstermedigüm hîç
Ey rûh-ı revân hºâhiş-i dîdâruñ içündür
5. Vuslat hevesin eyledigüm eyleme ta‘yîb
İnkâr idemem cürmimi ikrâruñ içündür
6. Hep râst-rev-i şâh-reh-i ‘ışkuñ olanlar
Pür râstî-i kâmet-i hemvâruñ içündür
7. Kânî seni şirin suhenlerle ögerse
Hep çâşni-i şîve-i âzâruñ içündür
Dr. İlyas YAZAR , K Â N Î D Î V Â N I, Ankara 2012
0
0
Yorum Yapmak için Kayıt Olun veya Giriş Yapın