Akıdur cûy-ı sirişkini rakîb-i nâ-kes

Fe`ilâtün fe`ilâtün fe`ilâtün fe`ilün

 

 1 Akıdur cûy-ı sirişkini rakîb-i nâ-kes

 Kûyuna ugramasun dirsen eger başını kes

 2 Tekye-i bâgda ezhâr yetişdi cümle

 Mürşid-i bâd-ı bahâr eyledi var ise nefes

 3 Çekilür kâfile-i `ömr diyâr-ı `ademe

 Nâle-i cân u dil ol kâfileye bang-ı ceres

 4 Dil ki mânend-i habâb oldı hevâyî-meşreb

 Eyledi bâde-i la`l-ı leb-i cânânı heves

 5 Kûyına girye ile vâsıl olursak ne`aceb

 Bâga gelmez mi akar su ile Yahyâ niçe has

 

Hasan KAVRUK , ŞEYHÜLİSLAM YAHYÂ DÎVÂNI,  T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147