Aks-i müjgân ile ey dil-ber-i şîrîn-harekât

Fe`ilâtün fe`ilâtün fe`ilâtün fe`ilün

 

 1 Aks-i müjgân ile ey dil-ber-i şîrîn-harekât

 Sanurum ruhlarun i`râb konulmuş âyât

 2 Kuvvet-i kalb olur ey mâh güler yüz senden

 Yohsa hiç sana mukâbil mi olurdı mir`ât

 3 Zevkdür lâzım olan ni`met içinde olana

 N’idügin lezzet-i şekker ne bilür çûb-i nebât

 4 Göz mi açdurdı bize cevr ü cefâ-yı eyyâm

 Fikr-i bî-hâsıl-ı dünyâyla geçdi evkât

 5 Herkese nutk-ı revân-bahş virilmez Yahyâ

 Himmet-i Hızr gerek kim buluna âb-ı hay

 

Hasan KAVRUK , ŞEYHÜLİSLAM YAHYÂ DÎVÂNI,  T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147