Aks-ı rûyunla derûnum tâbnak olmakdadur

Fâ`ilâtün fâ`ilâtün fâ`ilâtün fâ`ilün

 

 1 Aks-ı rûyunla derûnum tâbnak olmakdadur

 Söz hemân âyîne-i idrâk-i pâk olmakdadur

 2 Niceler var cevher eyler bir nazarla topragı

 Kîmyâ-yı devlet ey bî-çâre hâk olmakdadur

 3 Va`de-i vasl eyleyüp lutf itdün ihyâ eyledün

 Günde bin kerre adû ammâ helâk olmakdadur

 4 Bezm-i aşkun cür`asın içse göreydi hâleti

 Ol kadeh-peymâ ki mest-i âb-ı tâk olmakdadur

 5 Korkarın derd-i derûnum ide bir yerden zuhûr

 Tîg-i gamla sîne Yahyâ çâk çâk olmakdad

 

 

Hasan KAVRUK , ŞEYHÜLİSLAM YAHYÂ DÎVÂNI,  T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147