1 Âl câmeyle o meh-pâre kaçan kim salınur
Tutışur halk-ı cihân şehre bir âteş salınur
2 Atlas-ı âl ile ol bir gül-i hamrâdur kim
Ruh-ı rengînini seyr eyleyen âdem alınur
3 Nevbet-i îş u tarab nara-i uşşâk yiter
Kûslar zâ'id öter tabl muhâlif çalınur
4 Tahtını yil götürür özge Süleymân'dur bu
Nev-cevânum ki salıncaklara binmiş salınur
5 Îdgehden güzer itdükçe o şeh ey Âlî
Herkesi hayret alur ana bakılur kalınur (
https://www.turkedebiyatiisimlersozlugu.com/index.php?sayfa=detay&detay=943
Aksoyak 2006:96))